Die EFF en sy leier, Julius Malema, het ’n formele klagte van beweerde wangedrag teen staatsaanklaer advokaat Joel Cesar ingedien.
Dit volg nadat Malema onlangs tot vyf jaar direkte tronkstraf gevonnis is vir die afvuur van ’n vuurwapen tydens ’n partytjie in Mdantsane in 2018.
Volgens die EFF voer hulle aan dat Cesar die hof sou mislei het met betrekking tot die vuurwapen wat Malema in die openbaar afgevuur het. Die party beweer verder dat die aanklaer onwettig opgetree het deur die terugbesorging van ’n vuurwapen te magtig sonder ’n geldige hofbevel.
Die EFF se regspan het intussen die Nasionale Vervolgingsgesag (NVG) versoek om die bewerings deeglik te ondersoek en, indien nodig, dissiplinêre stappe teen Cesar te neem.